Arbëri

Pas zgjedhjeve emërohen edhe dy ambasadorë dhe një konsull i përgjithshëm

Foto: Koha / ilustrim
 

Emërimet politike në misionet që Kosova i ka jashtë vendit nuk janë ndalur as pas zgjedhjeve të parakohshme. Dy ambasadorë e një konsulle e përgjithshme janë dekretuar prej 6 tetorit e këtej.

Dekretet i ka firmosur presidenti Hashim Thaçi, dhe i ka mbështetur në propozimet e Ministrisë së Punëve të Jashtme (MPJ). Nëpërmjet dy dekreteve, ambasadorë janë bërë Uliks Emra e Heroina Telaku, të cilët më parë u kanë shërbyer ministrave të Partisë Demokratike (PDK), subjekt politik që është drejtuar nga Thaçi derisa ai është zgjedhur president. Me tjetrin, është bërë konsulle e përgjithshme Suzan Novobrdalija, e cila ka qenë deputete e Aleancës Kosova e Re (AKR), parti që drejtohet nga ministri i MPJ-së Behgjet Pacolli.