Arbëri

Ambasadori i SHBA-së në Gjermani përfaqësues i presidentit Trump për bisedimet Kosovë Serbi

Presidenti Trump njoftoi të enjten se do të emërojë ambasadorin amerikan në Gjermani, Richard Grenell si të dërguarin e tij të posaçëm për bisedimet e paqes midis Kosovës dhe Serbisë.

Richard A. Grenell është ambasador i Shteteve të Bashkuara në Gjermani që nga muaji maj i vitit të kaluar. Zoti Grenell, ekspert i politikës së jashtme, është themelues i firmës "Capitol Media Partners" në vitin 2010, që ofron konsulencë për çështje të jashtme.

Lexoni edhe: Thaçi i gëzohet emërimit të Grenellit emisar amerikan në dialogun Prishtinë-Beograd

Ambasadori Grenell, ka qënë zëdhënës i ambasadës së Shteteve të Bashkuara në OKB për shtatë vjet, 2001-2008, duke e mbajtur këtë post më gjatë se çdo ambasador tjetër, duke shërbyer për katër ambasadorë të ndryshëm.

Ai mban gradën Master për Administratën Publike nga universiteti i Harvardit/VOA.

Lexoni edhe: Haradinaj mirëpret emërimin e Grenellit të dërguar të SHBA në dialogun Kosovë-Serbi

Si dhe: Pacolli: Trump dëshiron që Serbia ta njohë Kosovën