Arbëri

Rama në SHBA në ceremoninë e ndërrimit të komandës së shefit të Shtabit të Forcave të Përbashkëta

Rama në SHBA në ceremoninë e ndërrimit të komandës së shefit të Shtabit të Forcave të Përbashkëta
 

Komandanti i Forcës së Sigurisë të Kosovës, gjenerallejtënant Rrahman Rama, me ftesë të Departamentit të Mbrojtjes të Shteteve të Bashkuara të Amerikës, për herë të parë mori pjesë në ceremoninë e ndërrimit të komandës së shefit të Shtabit të Forcave të Përbashkëta, që është mbajtur në bazën e përbashkët të ushtrisë amerikane "Myer-Henderson Hall" në Uashington.

Gjatë kësaj ceremonie gjeneral Rama e uroi personalisht gjeneralin Milley, të cilit i dëshiroi suksese në mandatin e tij 4-vjeçar dhe i shprehu mirënjohje të thellë për mbështetjen e vazhdueshme të SHBA-ve në zhvillimin dhe profesionalizimin e FSK-së.