Arbëri

Tahiri: Gabimi im ishte që tregova se në ç’masë mbillej kanabisi

Duke mohuar me forcë se nuk ka bërë asnjë veprim për të cilin mund të dënohet për shpërdorim detyre, ish-ministri i Brendshëm, Saimir Tahiri, tregoi në konferencën e sotme gabimin që, sipas tij, ka kryer gjatë ushtrimit të detyrës.

“Bëra gabimin e madh që thashë se në çfarë mase mbillej kanabisi në Shqipëri. E dija se sa më shumë ta luftoja në çdo cep të Shqipërisë, aq më shumë do të ishin akuzat. Ata që e zhytën vendin në krim, sot më akuzojnë mua”, u shpreh Tahiri.