Kadrijaj tregon se çfarë u pyet nga Specialja

Donika Voca Gashi Donika Voca Gashi 18 September 2019 15:28
15:38

Ka përfunduar intervistimi i Time Kadrijajt nga Specialja.

Pas intervistimit Kadrijaj ka thënë se ajo vetëm është marrë në pyetje për veprimtarinë e saj gjatë luftës dhe shërbimin e saj si mjeke, raporton KTV.

Kadrijaj më tutje ka thënë se veprimtaria e saj gjatë luftës ka qenë si mjeke në zonën e Dukagjinit dhe se ajo ka qenë në shërbim të popullatës në atë kohë.

Ndonëse gjatë intervistimit Kadrijaj ka pasur edhe një avokat ajo ka thënë se nuk pret më që të ftohet për intervistim.

15:28

Time Kadrijaj po intervistohet nga Specialja, nesër Safete Hadërgjonaj

Kanë kaluar më shumë se katër orë që kur ka nisur intervistimi i ish-deputetes së AAK-së, Time Kadrijaj nga prokurorë të Dhomave të Specializuara, raporton KTV.

Intervistimi i saj po bëhet në zyrat e EULEX-it në Fushë Kosovë.

Ndërsa nesër, nga po këta prokurorë, do të intervistohet edhe ish-deputetja e PDK-së, Safete Hadërgjonaj.

© KOHA. Të gjitha të drejtat janë të rezervuara.

Komentet

Shto koment

Të ngjashme