Aparati për diagnostikimin e hershëm të leukemisë shfrytëzohet si “dekor” në QKUK Foto: Koha / ilustrim

Aparati për diagnostikimin e hershëm të leukemisë shfrytëzohet si “dekor” në QKUK

Drenushë Maxhuni Drenushë Maxhuni 16 September 2019 07:10

Aparati, i cili bën diagnostikimin e hershëm të leukemisë tek fëmijët ka gjashtë vjet që rri kot në Klinikën e Pediatrisë të Qendrës Klinike Universitare të Kosovës. Ky institucion ka dështuar që për kaq vite të përgatisë stafin për përdorim, dhe për pasojë asnjë pacientit nuk i janë bërë analizat me të. Analizat e ngjashme që kryhen në Maqedoni dhe Shqipëri kushtojnë ndërmjet 600 e 700 euro, shkruan sot Koha Ditore.

QKUK-ja është institucioni i vetëm shëndetësor në Kosovë, i cili e posedon aparaturën për “Flow Citometry”, donacion i organizatës joqeveritare “Ndihmë Fëmijëve me Kancer” (NFK). Drejtuesi i kësaj organizate, Ilir Gorani, ka deklaruar se QKUK-ja nuk ka pasur buxhet të mjaftueshëm për t’i dërguar mjekët për specializim në Austri.

“QKUK-ja s’ka qenë e gatshme për ta funksionalizuar këtë aparaturë. Reagensët janë siguruar nga organizata “ Care for Kosovo Kids” si donacion. Aparatura nuk është amortizuar, sepse shoqata jonë vazhdimisht ka paguar teknikë specialistë për ta mirëmbajtur”, ka deklaruar Gorani.

Sipas tij, janë katër mjekë specializantë të QKUK-së që kanë kryer trajnimin në Austri dhe se deri në fund të muajit tetor, “Flow Citometry” do të vihet në funksion. (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme