Arbëri

Ultimatumi i punëtorëve në Aeroport, greva vazhdon të dielën nëse s’plotësohen kërkesat

Nga dita e diel, punëtorët e Aeroportit “Adem Jashari” do të hyjnë në grevë të përgjithshme në rast se nuk realizohen kërkesat e tyre.

Kryetari i sindikatës së këtyre punëtorëve, Bashkim Latifi, ka thënë se i kanë dhënë afat tri ditë menaxhmentit të Aeroportit që të reflektojë, megjithatë ai beson që këto kërkesa do të realizohen, raporton KTV.

Megjithatë, për tri grevat që i kanë mbajtur nuk kanë pasur të drejtë ligjore, pasi ato janë dashur të paralajmërohen 72 orë më herët.

Për këtë të enjte, aeroporti i është kthyer normalitetit dhe të gjitha fluturimet janë realizuar me kohë, për shkak të pezullimit të grevës.

Për grevën e së enjtes ka intervenuar edhe Inspektorati i Ministrisë së Punëve të Brendshme.

Sipas këtij dikasteri, dyshohet se personeli i ANP-së ka bërë disa shkelje ligjore gjatë grevës, për çka pritet një raport final.