Nait Hasani propozohet për Ambasador në Shqipëri

Nait Hasani propozohet për Ambasador në Shqipëri

21 August 2019 16:10

Deputeti i PDK-së, Nait Hasani, është propozuar për pozitën e Ambasadorit në Shqipëri.

Ministri në dorëheqje i Punëve të Jashtme, Behgjet Pacolli, i ka dërguar Komisionit për Punë të Jashtme një letër në të cilën ka bërë të ditur se Nait Hasani propozohet për postin e Ambasadorit në Shqipëri.

“Me konsideratën më të lartë për punën tuaj dhe komisionit për Punë të Jashtme, Diasporë dhe Investime Strategjike, pas pajtimit me Kryeministrin e Republikës së Kosovës dhe marrjes së pëlqimit nga Qeveria e Republikës së Kosovës, ju dërgoj në besim emrin e kandidatit Z. Nait Hasani, me qëllim të vijimit të procedurave për emërimin e tij në pozitën e Shefit të Misionit/Ambasadorit në Republikën e Shqipërisë”, thuhet në letrën që ka siguruar KTV-ja.

Lexo edhe: Kosova emëron ambasadorë të karrierës në disa kryeqytete të botës

Në letër më tej thuhet se “Ministria e Punëve të Jashtme është siguruar që kandidati Nait Hasani i plotëson kriteret” për këtë post.

“Bazuar në fushëveprimin e Komisionit për Punë të Jashtme, Diasporë dhe Investime Strategjike, kërkoj nga ju që të vijoni procedurat për emërimin e kandidatit të sipërpërmendur, në pozitën e Shefit të Misionit/Ambasadorit në Republikën e Shqipërisë, bazuar në nenin 7 i ndryshuar dhe i plotësuar me nenin 2 të Ligjit Nr. 03/L-207 Për Ndryshimin dhe Plotësimin e Ligjit Nr.03/L-044 për Ministrinë e Punëve të Jashtme dhe Shërbimin Diplomatik të Republikës së Kosovës”, thuhet në fund të letrës së Pacollit drejtuar kryetares së këtij komisioni, Vjosa Osmani.

Letra është dërguar më 19 gusht 2019.

Ndërkohë, deputeti i Nismës, Zafir Berisha, ka bërë të ditur se tash në këtë komision po bëhet intervistimi i Hasanit.

Image

 

© KOHA. Të gjitha të drejtat janë të rezervuara.

Komentet

Agim krasniqi22/08/2019 14:05

Mjer per Kosoven e shqiptarine se cka po ndodh me be!

Robert22/08/2019 14:05

horror, cfare njerez te pagdhendur na perfaqesojne....

Shto koment

Të ngjashme