1 perditesime
Arbëri

Haradinaj para nisjes në Hagë: I palëkundur për vendimet e mia, tregun e japim vetëm për njohje

Haradinaj para nisjes në Hagë: I palëkundur për vendimet e mia, tregun e japim vetëm për njohje
Foto: Koha
11:56

Haradinaj para nisjes në Hagë: I palëkundur për vendimet e mia, tregun e japim vetëm për njohje

Ramush Haradinaj, që së shpejti mbërrin në Aeroportin e Prishtinës për t’u nisur drejt Hagës, ku do të merret në pyetje në cilësinë e të dyshuarit, ka thënë se qëndron i palëkundur në qëndrimet e tij.

“Luftëtarët e lirisë gjithmonë ishin të rreshtuar me të drejtën! Sot, si Ramush Haradinaj, qytetar i Republikës së Kosovës, i përgjigjem ftesës për intervistim nga Dhomat e Posaçme në Hagë. Tërësisht në të drejtën e Kosovës, i palëkundur për vendimet e mia jetësore dhe i patrazuar e ballëlartë. Kosova ka ecur përpara në rrugëtimin euro-atlantik dhe është më e fortë se kurrë, në rreshtin e paqes dhe miqësi të përhershme me ShBA-në. Kosova është e gatshme të dialogojë me Serbinë deri në arritjen e një marrëveshjeje finale ligjërisht obliguese, përfshi njohjen reciproke në kufijtë ekzistues. Por, tregun e japim vetëm për njohje. Me nder kam mbrojtur të drejtën tonë, dje, sot dhe do ta mbrojë gjithmonë!”, ka shkruar Haradinaj.

11:19

Ramush Haradinaj sot niset për në Hagë

Për pak minuta kryeministri në dorëheqje Ramush Haradinaj, pritet të mbërrijë në Aeroportin e Prishtinës nga ku do të niset për në Hagë.

Ai pritet të intervistohet në cilësinë e të dyshuarit në Gjykatën Speciale, transmeton Koha.net.

Haradinaj, me të marrë ftesën nga Specialja dha dorëheqje nga posti i të parit të Qeverisë së Kosovës.

Ditën kur dha dorëheqje të parevokueshme, Haradinaj tha se nuk mund të shkojë për intervistim para Dhomave të Specializuara, por ai në një letër dorëzuar krerëve institucionalë ka konfirmuar se do të vazhdojë të ushtrojë detyrën deri në zgjedhjen e Qeverisë së re.

“Ju ftoj që në përputhje me Kushtetutën e Republikës së Kosovës dhe ligjet e aplikueshme, të shpallen zgjedhjet e përgjithshme dhe e drejta për të zgjedhur t’i kthehet sovranit”, ka shkruar Haradinaj në letrën dorëzuar presidentit të Kosovës.

Ndërkohë ai vazhdon të jetë kryetar i AAK-së.

Pavarësisht vendimit të tij që të dorëhiqet, sepse nuk dëshiron të shkojë në Hagë si kryeministër, Haradinaj ka paralajmëruar se sërish do të kandidojë në zgjedhjet e ardhshme.

Image