Lidhja e Historianëve të Kosovës “Ali Hadri”, dega në Deçan, përmes një njoftimi për media, ka paralajmëruar bllokomin e rrugës që çdon te Manastiri i Deçanit, në shenjë kundërshtimeve të pretendimeve të tij për të marrë pronat e ndërmarrjeve “Apiko” dhe “Iliria”.

Lidhja e Historianëve të Kosovës “Ali Hadri”, dega në Deçan, edhe një herë kërkon nga Qeveria dhe Kuvendi i Republikës së Kosovës, që urgjentisht të ndërhyjnë në kontestin pronësor rreth pronave të ndërmarrjeve “Apiko” dhe “Iliria”, të cilat po dëshiron t'i marrë dhunshëm Manastiri i Deçanit.

Qeveria dhe Kuvendi i Republikës së Kosovës, urgjentisht t'i shpallë pronat dhe ndërmarrjet “Apiko” dhe “Iliria” asete kombëtare, sepse kjo është zgjidhja me e mirë dhe me e pranueshme.

LHK “Ali Hadri”, dega në Deçan, njofton mbarë opinionin e gjerë së shumë shpejt do të shpallë vendimin për bllokimin disa orësh të rrugës që çon te Manastiri i Deçanit, si shenjë revolte dhe demonstrimit kundër personelit të Manastirit të Deçanit.

LHK “Ali Hadri”, dega në Deçan, rithekson së për çdo padëgjueshmëri qytetare me rastin e bllokimit të rrugës, ne nuk do të bartim përgjegjësinë dhe përgjegjësia do të bie mbi drejtuesit e Manastirit të Deçanit, - përfundon njoftimi.