Hoti: Në Kuvend kalojnë vetëm pikat e PAN-it, kur e ka përkrahjen e PSD-së Foto: Driton Paçarada

Hoti: Në Kuvend kalojnë vetëm pikat e PAN-it, kur e ka përkrahjen e PSD-së

15 May 2019 16:46

Shefi i Grupit Parlamentar të Lidhjes Demokratike të Kosovës, Avdullah Hoti, ka deklaruar sot se në Kuvendin e Kosovës po kalojnë vetëm pikat e pozitës.

Në një konferencë për media, Hoti ka thënë se kryeparlamentari Kadri Veseli nuk po merr përgjegjësi për kaosin e krijuar në Kuvend.

Teksa ka shtuar se si opozitë do të vazhdojnë të luajnë rolin e vet deri në rrëzimin e Qeverisë.

“Në Kuvendin e Kosovës kalojnë vetëm pikat e pozitës, natyrisht ato pika që Kadri Veseli arrin t’i marrë me ndihmën e PSD-së. Kryetari i Kuvendit që e quan veten shef të PAN-it nuk merr asnjë përgjegjësi për gjendjen në të cilën e ka futur Kuvendin e Kosovës tash e sa kohë. Faktikisht u bë një vit që institucionet udhëhiqen në mënyrë jo demokratike. Ne jemi të vendosur të vazhdojmë këtë formë të të bërit opozitë deri në rrëzimin përfundimtar të koalicionit qeverisës”, tha Hoti.

Komentet

Shto koment

Të ngjashme