Në prezantimin e detyrave të qeverisë kalimtare, kryetari i PD-së, Lulzim Basha, tha se nuk do të lejojë zgjedhje pa opozitën dhe as diktim të tyre nga bandat kriminale. I bindur se zgjedhje me Edi Ramën nuk do të ketë, Basha tha se ka ardhur koha që vota e shqiptarëve të lexohet drejt. Gjatë fjalës së tij kreu demokrat Lulzim Basha u shpreh se: “Me sistemin elektoral, proporcional rajonal, parlament me 100 deputetë, sistem me dy dhoma, senat, mazhoritar i pastër janë disa nga idetë. Zgjedhje me Ramën nuk do të ketë as zgjedhje pa opozitën nuk do të ketë. Zgjedhjet do të mbahen pasi të ndëshkohen hajdutët e votave të vitit 2017”.
Vëzhgim krahasues midis platformës së Partisë Zgjidhja dhe Partisë Demokratike
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNga një vështrim i shkurtër i platformave të paraqitura dje nga ana e Partisë Demokratike, pikat në të cilat Partia Demokratike me Zgjidhjen, ka të bëjë më zgjedhjet e lira dhe të ndershme. Përafrimi është si më poshtë:
Platforma e PD
“Zgjedhjet e lira dhe të ndershme janë themeli i legjitimitetit të Parlamentit, Qeverisë dhe Pushtetit Vendor.
Zgjedhjet pa standarde dhe të manipuluara hedhin në erë bashkëjetesën demokratike dhe stabilitetin; vullneti politik është parakusht për zgjedhje të lira e të ndershme; legjislacioni nuk mund të zëvendësojë vullnetin e munguar politik; vullneti politik është rekomandimi i parë i çdo raporti të ODIHR-it; një qeveri që nuk ka vullnet për zgjedhje të lira, përbën rrezik për stabilitetin demokratik; pavarësisht nevojës për reformë zgjedhore, problemet më madhore në mbarëvajtjen e zgjedhjeve nuk kanë nevojë për ndryshime në Kodin Zgjedhor; këto probleme janë çështje të qeverisjes së përditshme, pra, kërkojnë vetëm vullnetin politik dhe përgjegjshmërinë e qeverisë; në rast nevoje për legjislacion, nevojitet vetëm shumicë e thjeshtë, akte të Këshillit të Ministrave apo të ministrave përgjegjës; përfshirja e krimit të organizuar në bashkëpunim me qeverinë në shitblerjen e votës dhe presioni mbi zgjedhësit; presioni mbi administratën dhe abuzimi me burimet shtetërore; Identifikimi i besueshëm i zgjedhësve; lista e zgjedhësve dhe sistemi i adresave; votimi fiktiv i emigrantëve; roli i policisë në zgjedhje; për herë të parë, ODIHR-i bëri rekomandim për shitblerjen e votës në zgjedhjet 2015”.
Pakti Kombëtar i partisë “Zgjidhja”
“Të demokratizohen dhe depolitizohen zgjedhjet, me një KQZ dhe administratë zgjedhore të depolitizuar e tërësisht të pavarur, me një proces e ligj zgjedhor që garanton barazinë, ndershmërinë dhe lirinë e plotë të konkurrencës mes partive dhe individëve, duke eliminuar favorizimin e partive të vjetra dhe diskriminimin e partive të reja; votat duhet të ketë të njëjtën peshë për çdo subjekt apo individ dhe të numërohen në Qendrat e Votimit. Kutitë e votimit të mos transportohen të pa numëruara; të përfshihet teknologjia minimalisht për identifikimin biometrik të zgjedhësve dhe për numërimin elektronik të votës në QV; emigrantët duhet që të kenë mundësinë të votojnë në konsullatat dhe ambasadat tona në botë, por jo në distancë; të mandatohet një qeveri teknike me bazë të gjerë për 12 muajt e ardhshëm. Ajo duhet të përgatisë dhe implementojë Reformën Kushtetuese dhe Reformën Zgjedhore. Largimi i Edi Ramës si kryeministër mbetet një kërkesë, por nuk është një kusht për këtë pakt”/Shekulli.