Drejtori i Policisë thotë së në veri ka tensione për shkak të zgjedhjeve Foto: Ksp

Drejtori i Policisë thotë së në veri ka tensione për shkak të zgjedhjeve

24 April 2019 12:26

Në Komisionin për të Drejtat dhe Interesat e Komuniteteve dhe Kthim ka raportuar ministri i Punëve të Brendshme, Ekrem Mustafa, lidhur me gjendjen e sigurisë në Kosovë dhe incidentet që kanë motive ndëretnike.

Mustafa tha se në raport me rajonin, Kosova qëndron mirë sa i takon kësaj çështjeje dhe ka rënie të rasteve të incidenteve ndëretnike në Kosovë.

Ai tha se MPB-ja është e përkushtuar në ruajtjen e rendit dhe zbatimit të ligjit, për një ambient të sigurt për të gjithë qytetarët, në veçanti, ruajtjen e sigurisë për të gjitha komunitetet.

Ndërkaq, drejtori i Përgjithshëm i Policisë se Kosovës, Rashit Qalaj, tha se situata e sigurisë është mjaftë e qetë dhe stabile, përkundër disa incidenteve të cilat sipas tij nuk kanë ndikuar në sigurinë nacionale, raporton Ksp.

Thotë se edhe trendet e krimit janë në rënie.

Si shqetësim, drejtori i PK-së ka përmendur numrin e aksidenteve me fatalitet për të cilat tha se kanë shënuar rritje krahasuar me periudhën e njëjtë të vitit të kaluar.

Duke folur për sigurinë në veri, Qalaj tha se gjendja edhe atje është stabile, por pranoi se ka tensione për shkak të zgjedhjeve, ndërsa u zotua se si PK do të mundohen të ruajnë qetësinë dhe të drejtën për votë të drejtë.

Komentet

Shto koment

Të ngjashme