Kryeministri shkarkon ministrin serb që i quajti shqiptarët terroristë e masakrën e Reçakut trillim Foto: MAPL

Kryeministri shkarkon ministrin serb që i quajti shqiptarët terroristë e masakrën e Reçakut trillim

09 April 2019 13:13

Kryeministri i Kosovës, Ramush Haradinaj , ka shkarkuar nga posti i ministrit të Administratës së Pushtetit Lokal, Ivan Todosijeviq, pasi ky i fundit mohoi se ka pasur masakër në Reçak si dhe shqiptarët e Kosovës që luftuan për çlirim të vendit i quajti terroristë.

Në një postim në Facebook, Haradinaj ka thënë se gjuha e tillë e urrejtjes është e patolerueshme.

Ai ka thënë se është e pakuptimtë se si një ministër është shprehur me aq injorancë, urrejtje e fyerje për viktimat e Reçakut.

Haradinaj ka shtuar se në qeverinë e tij nuk do të ketë vend për njerëz që fyejnë në baza etnike, racore, apo tjera.

“Sot kam marrë vendim për shkarkimin e Ministrit të Administratës së Pushtetit Lokal, Ivan Todosijeviq. Është e patolerueshme një gjuhë e tillë e urrejtjes nga ministri në fjalë. Është e pakuptimtë se si një deri sot kolegë i yni shprehet me aq injorancë, urrejtje dhe fyerje për viktimat e Reçakut, viktimat e tjera të regjimit të Millosheviçit dhe akceptimin dhe miratimin që ai i bëri terrorit të këtij regjimi. Kjo nuk arsyetohet. Në Qeverinë që unë e drejtoj nuk do të ketë vend për askë që në çfarëdo mënyre fyen të tjerët në bazë etnike, racore, fetare apo tjetër, e as ata që synojnë të akceptojnë politikat e tilla. Vendimi hyn në fuqi menjëherë”, ka shkruar Haradinaj.

© KOHA. Të gjitha të drejtat janë të rezervuara.

Komentet

Dritoni 09/04/2019 14:45

Z. Kryeministër, ju që nuk ju tremb syri në luftë dhe i dolet në mbrojtje atdheut, ju lutem tregohuni burrështetas dhe merrni masa ndaj këtyre shovenistëve nga Srpska LIsta. Këtyre nuk ju mjafton vetëm një shkarkim për ta ndalur fushatën antishqiptare dhe antishtetërore, por këto çka ata po e shprehin dhe po e flasin duhet të dënohen edhe sipas ligjit. A kemi shtet ligjior a jo, apo po fillojmë të gjithë të shprehim atë çka kemi në zemër për komunitetin serb . e kemi çka të shprehim..

Kemi09/04/2019 14:45

Rrespekt zotri Kryeminister.

Fuat Hakaj09/04/2019 14:45

E pershndes vendimin e kryeministrit. Trimat kshtu veprojn, Drejt e pa u luejt venit. Kombit ton I duhen ma shum njerz te tille e t na baskojne. T’ Fala

Adi09/04/2019 14:46

Nëse ky minister dhe ajo zonja e shkarkuar më parë, kan dhënë betimin para marrjes së detyrës, duhet dënuar, mirpo ne kemi të bjmë me shum rrenca këtu, se kurr nuk e jepin betimin serbet që të shërbejnë në qeveri të Kosovës, prandaj nuk ka bazë për dënimin e tyre për shkeljen e betimit që se kan bërë kurrë. Këtu kemi të bëjmë me shum të paverteta. Problemin e sqaroj avokati Edvard Gashi. Njerëzit që marrin rroga për siguri dhe këshillime të Qeveritarëve po flejn, askush nuk i dëgjon lajmet e tyre se çka thonë nëpër studiot nacionaliste për Gjenocide të reja e luftëra.

Shto koment

Të ngjashme