Ndonëse nxënësve u kërkohet që sot të shkojnë në shkolla, mësimdhënësit s’ishin të pranishëm Foto: Ilustrim/Koha

Ndonëse nxënësve u kërkohet që sot të shkojnë në shkolla, mësimdhënësit s’ishin të pranishëm

23 March 2019 11:21

Ndonëse Ministria e Arsimit po kërkon që të respektohet vendimi për zëvendësimin e orëve të humbura, as sot, mësimdhënësit nuk kanë shkuar në shkolla.

Drejtorët e shkollave, këtë lajm ua kanë përcjellë nxënësve, por mësimdhënësit, nuk kanë shkuar.

Koha.net e ka kontaktuar Drejtoreshën e Arsimit në Prishtinë, Shpresa Shalën, e cila ka thënë se kjo është çështje e Sindikatës, për shkak se Drejtoritë e shkollave, e kanë thjesht obligim të marrin këshillat që vijnë nga MASHT-i.

“Këshilli i prindërve ka marrë vendim që të sabotohet mësimi. Kemi marrë edhe e-maile nga Këshilli i prindërve nëpër shkolla, të cilët kanë potencuar, se nuk do t’i dërgojnë fëmijët në mësim”, tha ajo.

Kujtojmë se javë më parë, Këshilli Drejtues i SBASHK-ut ka marrë vendim që 5 ditë të humbura të mësimit, të zëvendësohen nga pushimi pranveror në muajin prill, 5 ditë të shtuna të zëvendësohen gjatë vitit shkollor 2018/2019, dhe 5 ditë tjera të zgjatet përfundimi i vitit shkollor 2018/2019.

Shala, tutje tha se secili drejtor i secilës shkollë, ka qenë i obliguar t'u kërkojë nxënësve që të shkojnë në shkolla.

Gjithashtu, kujtojmë se ministri i Arsimit, Shyqiri Bytyqi, javën e kaluar u ka bërë thirrje edhe njëherë të gjithë mësimdhënësve që t’i zëvendësojnë orët e humbura gjatë grevës, por këta të fundit, po u binden Sindikatës së Bashkuar së Arsimit.

Këshillit Drejtues i SBASHK-ut, javë më parë, në mënyrë unanime ka marrë vendim që të mos kompensohet asnjë orë e humbur derisa gjykata nuk nxjerrë një vendim. Kjo pasi SBASHK-u e ka paditur MASHT-in për vendimin e saj duke e konsideruar të jashtëligjshëm.

© KOHA. Të gjitha të drejtat janë të rezervuara.

Komentet

albani26/03/2019 16:07

Nuk do te ishte qujtur Greve, neqoftese kompenzohen oret e humbura. Ligji per grevat e skjaron shume mire qe greva eshte legale dhe oret e humbura te punese nuk zevendesohen. edhe po te zevendesohen efekti eshte minimal, sepse vikendet jane psiqikishte te dedikuara per pushime dhe rekreacion, kurse mesimi izgjatur gjate qershorit perckak te nxehtit eshte i pa efektshem. Prandaj, kjo kaptin eshte e mbyllure per kete VIt.

Shto koment

Të ngjashme