Lluka: Humbja vjetore në Telekom është rreth 14 milionë euro

Ministri Lluka bën dallimin e pagave në Postë dhe Telekom

18 March 2019 20:20
21:04

Ministri i MZHE-së, ka folur edhe për Postën e Kosovës. Ai ka treguar edhe sa janë pagat në Postë, në dallim me Telekomin.

“Posta e Kosovës është një nga ndërmarrjet e pakta që ka bërë ristrukturimin. Dy herë janë ulur pagat”, tha Lluka në Puls të KTV-së.

Lluka tregoi se derisa në Telekom paga sillet rreth 1 mijë euro, në Postë është rreth 760 euro, ose mund të shkojë deri 770.

“Kur janë ndarë Posta dhe Telekomi, Postës i kanë mbetur shumë obligime. Por me kohë është bërë ristrukturimi, dhe edhe numri është zvogëluar e po ashtu edhe paga”, tha Lluka.

Ministri tha se edhe shpenzimet në Postë janë shumë të vogla.

“Ta zëmë udhëtimet zyrtare, në krahasim me të tjerat, i kanë vetëm rreth 3 mijë euro. Në postë janë dikur 1 mijë e 20 punëtorë. Pra, paga në vit shkojnë diku 9 milionë euro”, tha ministri Lluka.

20:20

Lluka: Humbja vjetore në Telekom është rreth 14 milionë euro

Ministri i MZHE-së, Valdrin Lluka në Puls të KTV, ka folur për gjendjen e mjerueshme të Telekomit, humbjen që ka pësuar dhe punësimet e fundit politike e familjare.

Telekomi i pushtetit

Sipas Llukës Posta, Telekomi dhe Ujësjellësi kanë sfida të vazhdueshme që nga paslufta.

“Duhet guxim më i madh për t’i privatizuar që mos të bëhen barrë më e madhe. Sidomos, Telekomi”, tha ai.

Telekomi, tha Lluka, në kohët më të mira ka qenë monopol.

“Telekomi edhe sot ka treg të konsiderueshëm. Privatizimi është trend global, ne s’jemi të vetmit”, tha Lluka.

“Në Telekom është situatë për të qajtë. Nëse ka nepotizëm është e papranueshme. Te rasti i parë që ka punësuar 4 fëmijë, ne kemi marrë menjëherë procedurat për shkarkim, e ai dha dorëheqje (Rasti i Osman Ejupit). Jemi në kohën kur po bëjmë vlerësimin e performancës së Bordit. Ka indikacione sa i përket rritjes së qarkullimit. Për punësimet e fundit kemi kërkuar përgjegjësi nga Bordi. Për mua, janë të paarsyeshme. Rreth 2300 ishin me drejtorin e kaluar të Bordit, ndërsa tani rreth 2600. Kjo po e rrezikon Telekomin. Çdo mbingarkesë në Telekom e pengon performancën e tyre”, tha tutje Lluka.

Punësimet e fundit, tha ai, tani kryesisht po bëhen me kontrata mbi vepër.

“Me një trend të tillë në Telekom, do bëhet barrë e shtetit, prandaj është i nevojshëm privatizimi”, tha ministri.

“Është e rëndësishme të ceket se në kohën e privatizimit, do të shikohet puna e eksperiencës. S’do të jetë njëjtë si për ata që kanë punuar që sa vite si për ata që janë punësuar së fundmi”, tha ai.

Rreth 14 milionë euro Telekomi ka humbje brenda vitit, sipas Llukës.

Ka folur edhe për rastin që Telekomi i Kosovës ka lidhur jashtëligjshëm një marrëveshje të konfidencialitetit që i mundëson kompanisë “Artillery One”, me bazë në Karolinën e Veriut, qasje të plotë në dokumentet financiare, por Lluka thotë, se nëse kjo kompani ka marrë qasje të limituar, është shkelje ligjore.

“Kam kërkuar llogari nga menaxhmeti. Menaxhmenti ka thënë se ka pasur qasje të limituar jo në të gjitha zonat. Qasja në detaje është e ndaluar para privatizimit”, tha tutje.

“Nëse u ka dhënë qasje të limituar, definitivisht ka shkelje ligjore”, tha Lluka në vazhdimësi.

Me ardhjen e re të Menaxhmentit në Telekom, sipas Llukës, vjen edhe një frymë e re.

© KOHA. Të gjitha të drejtat janë të rezervuara.

Komentet

Shto koment

Të ngjashme