-
Nga:
Edona Kutleshi-Maliqaj
- 13 mars 2019 07:45
- Shpërndaje në:
Ekspertë të Asociacionit Evropian për Sigurimin e Cilësisë në Arsimin e Lartë (ENQA), javën e ardhshme pritet të vijnë në Kosovë për t’ia bërë vlerësimin Agjencisë së Kosovës për Akreditim (AKA).
Vizita e tyre do të zgjasë nga data 18 deri më 20 mars. Do të vlerësojnë nëse Agjencia ka arritur progres vitin e fundit dhe nëse gjatë kësaj periudhe kohore ka pasur ndërhyrje politike në këtë institucion, shkruan sot “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPërveç takimit me zyrtarë të AKA-së, ekspertët e ENQA-s do të takohen edhe me ministrin e Arsimit, Shkencës dhe Teknologjisë dhe me rektorët e universiteteve publike për të marrë informacione për gjendjen në arsimin e lartë. Vendimi përfundimtar për statusin e AKA-së në ENQA do të merret në shtator të këtij viti.
Më 22 prill 2018, ENQA ia pati zbritur AKA-së statusin nga “anëtare me të drejta të plota”, në “anëtare nën vëzhgim”. Kjo kishte ndodhur në shtator të vitit 2017, kur me kërkesë të kryeministrit Ramush Haradinaj, ministri i Arsimit, Shyqiri Bytyqi, shkarkoi Bordin e AKA-së dhe ushtruesen e detyrës së drejtorit të kësaj agjencie. Shkarkimi ishte bërë më arsyetimin se procesi i akreditimit ishte përcjellë me parregullsi.
(Artikullin e plotë mund ta lexoni sot në “Koha Ditore”)