Në Zallq të Istogut gjenden mbetjet mortore të një fëmije që dyshohet të jetë vrarë gjatë luftës Foto: Koha

Në Zallq të Istogut gjenden mbetjet mortore të një fëmije që dyshohet të jetë vrarë gjatë luftës

Ardiana Thaçi Mehmeti Ardiana Thaçi Mehmeti 05 March 2019 13:19

Në fshatin Zallq të Komunës së Istogut, respektivisht afër varrezave të këtij fshati, janë gjetur mbetjet mortore të një të riu.

Lajmin për KTV-në e ka konfirmuar drejtori i Institutit për Mjekësi Ligjore, Arsim Gërxhaliu.

Ai ka thënë se ekspertët e mjekësisë ligjore kanë identifikuar mbetjet mortore të një të riu në moshë mes 7 deri në 12 vjet.

“Identiteti do të bëhet i ditur pas analizave të ADN-së që do të bëhen ditët në vazhdim”, tha Gërxhaliu.

Ndërkaq, Arben Emini nga Departamenti për Identifikim në kuadër të Mjekësisë Ligjore, ka thënë se me urdhër të prokurorit, ekspertët kanë dalë në vendin e ngjarjes, në varrezat e fshatit Zallq, dhe arritën të nxjerrin mbetjet mortore të këtij të riu.

Në Zallq të Istogut, derisa një person po hapte një varr të ri, has në mbetje të dyshimta mortore

Ai shtoi se trupi ishte i mbështjellë me batanije dhe kishte çorape të cilat nuk u dekompozuan dhe lënë të kuptohet se mbetjet mortore mund t’i përkasin luftës së fundit por që shkaqet e rrethanat e vdekjes do të përcaktohen ndërkohë.

Përndryshe, ekspertët e mjekësisë ligjore nga 5 marsi kanë filluar të dalin në terren për gërmime të reja.

Sipas Gani Shalës, kryetar i fshatit Zallq, ekipet e mjekësisë ligjore kanë gërmuar në pjesën ku ka qenë varri i dyshuar.

Po ashtu, sipas tij, diku 13 metra larg varrit, ekipet e ML kanë gjetur kafkën dhe disa eshtra të njeriut (fëmijë), i mbështjellë në një batanije dhe një palë çorape.

Ekipet që kanë gërmuar, janë larguar nga vendi i ngjarjes.

© KOHA. Të gjitha të drejtat janë të rezervuara.

Komentet

Shto koment

Të ngjashme