Profesoresha në Departamentin e Shkencave Politike në UP, Jehona Lushaku Sadriu, ka bindjen se në politikë duhet ditur bërë matje të mirë mes masës së kushtëzimit dhe peshës së humbjes.
“Secili shtet vepron me aq sa ka dijeni e fuqi, po pa i rrezikuar pozicionet e veta me interes”, ka thënë Lushaku, përcjell Koha.net.
Sipas saj, taksa s’duhet me qenë më tema kryesore.
“Ajo duhet të hiqet sepse rrethanat kanë ndryshuar. Ajo mund të mbahet nga ne qytetarët duke mos i blerë produktet serbe”, ka thënë Lushaku.
Lushaku ka thënë se këmbëngulësia duhet për ndërtimin e një uniteti e strategjie të përbashkët për ta ruajtur shtetin dhe kufijtë, për luftën kundër korrupsionit e për rend e ligj.
“E për plot gjëra të tjera që s’po ndodhin në Kosovë, si rezultat i mungesës së këmbëngulësisë atëherë kur duhet”, ka thënë ajo.
© KOHA. Të gjitha të drejtat janë të rezervuara.
