Kreu i shtetit Hashim Thaçi, ka vizituar të mërkurën vonë kreun e LDK-së, Isa Mustafa.
Thaçi i ka shkuar në shtëpi Mustafës, i cili ka kohë që lëvizjet jashtë shëtisë së tij i ka të kufizuara. Burime të sigurta të Kohës Ditore e kanë konfirmuar takimin.
Të njëjtat, nuk kanë qenë në gjendje të tregojnë më shumë detaje rreth arsyes së kësaj vizite.
Kujtojmë se ky takim vjen pas takimit që Thaçi bashkë me kryeministrin Ramush Haradinaj kanë pasur pasdite me delegacionin e lartë nga Shtetet e Bashkuara të Amerikës në përbërje të John Erath dhe Brad Berkley, e prej ku mësohet se Haradinaj nuk ka pranuar që të heqë dorë nga taksa e vënë ndaj mallrave serbe.
Të dy kanë konfirmuar takim me LDK-në, por jo me Vetëvendosjen.
Koha.net ka provuar që të flasë me Besian Mustafën, zëdhënës i LDK-së, por kontakti me të ka qenë i pamundur.
-
Lajçaku takohet me Mustafën në zyrat e LDK-së
-
Rama në shtëpinë e Mustafës në Prapashticë, në ditën e dytë të vizitës
-
Pas ngritjes së aktakuzës ndaj Thaçit, takohen Mustafa e Haradinaj
-
Mustafa i shkon në takim Thaçit
-
Mustafa: Thaçit i kërkova të heqë dorë nga diskursi politik i korrigjimit të kufijve