Shefi i deputetëve të LDK-së në Kuvendin e Kosovës, Avdullah Hoti, ka kritikuar presidentin Hashim Thaçi i cili në një konferencë të sotme për media, tha se taksa ndaj mallrave serbe duhet të pezullohet në mënyrë që të vazhdojë dialogu.
Hoti thotë se është e papranueshme nga Thaçi që të ambalazhohet dialogu me Serbinë me gjysmë të njohura dhe me dykuptimësi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kjo qasje e Presidentit u pa edhe sot në konferencën për medie”, tha Hoti, raporton Koha.net.
Ai thotë se qytetarët e Kosovës duan transparencë lidhur me dialogun me Serbinë, që, sipas tij, është sugjerim edhe i dy ambasadorëve të SHBA-së, në Prishtinë e Beograd.
“Ne nuk mund të ‘manovrojmë’ me procesin e dialogut. Ne duhet të jemi të qartë me qytetarët e Kosovës dhe aleatët tanë për pozicionin tonë në dialogun me Serbinë. E para, Kosova duhet të dialogojë dhe do të dialogojë, sepse nuk ka alternativë tjetër. Gjuha që nxit konflikte duhet të hiqet nga diskursi jonë. E dyta, Kosova tokë me nda nuk ka, Kosova nuk e rishikon shtetësinë e vetë dhe Kosova nuk e defunksionalizon shtetin e vetë me aranzhime të brendshme në baza etnike”, ka theksuar shefi i Grupit Parlamentar të LDK-së, Avdullah Hoti.