Sylejman Selimi intervistohet nga Prokuroria Speciale Foto: Koha

Sylejman Selimi u intervistua si i dyshuar

06 February 2019 14:00
14:09

Avokatët e ish-komandantit të UÇK-së, Sylejman Selimi, Tomë Gashi dhe Guy Smith, në një konferencë për media, ka thënës e klienti i tyre është ftuar në intervistim si i dyshuar.

Gashi tha se intervistimi i tij ka filluar sot rreth orës 9 në Prishtinë dhe është marrë në pyetje në cilësinë e të dyshuarit.

Edhe avokati Smith tha se Selimi ka dhënë deklaratë për pyetjet që i janë bërë ndërsa është ftuar në cilësinë e të dyshuarit.

“Ftesa ka qenë që ai të merret në pyetje këtu në Prishtinë e jo në Hagë. Prezent ka qenë edhe Prokurori. S’ka ndonjë situatë të pasqaruar se pse ka qenë këtu e jo në Hagë. Kanë qenë edhe ata të paqartë për çështjen juridike. Ai s’ka qenë dëshmitar, por i dyshuar. Ata do të vendosin se çfarë do të ndodhë juridikisht me rastin”, tha Gashi.

Gashi tha se deklaratat e të intervistuarve, qofshin ata të dyshuar apo dëshmitarë, kanë konfidenciale. “Ka qenë marrje në pyetje e përgjithshme dhe përgjigjet kanë qenë të tilla”.

Ai tha se intervistimi i tij ka qenë më i shkurtër sesa rastet tjera. Sipas tij, s'ka asnjë arsye që të ngrihet ndonjë akuzë ndaj tij. 

14:00

Sylejman Selimi intervistohet nga Prokuroria Speciale

Ish-komandanti i Shtabit të Përgjithshëm të Ushtrisë Çlirimtare të Kosovës, Sylejman Selimi, është ftuar nga Zyra e Prokurorisë Speciale dhe Dhomat e veçanta (Gjykata Speciale për krime luftë në Kosovë), ka konfirmuar avokati i Selimit, Tomë Gashi, përmes një shkrimi në rrjetin social Facebook.

Ai ka theksuar se Selimi “i ftuar nga Gjykata Speciale, sot ka dhënë deklaratën e tij në Prishtinë”.

Ndryshe, Sylejman Selimi, me 25 janar të këtij viti, nga një panel i themeluar nga Këshilli Gjyqësor, është liruar me kusht nga vuajtja e dënimit me 6 vjet burg, pasi që kishte kaluar mbi 5 vjet në burg.

Më 24 maj 2013, Sylejman Selimi ishte arrestuar dhe më vonë ishte shpallur fajtor për një vepër penale të krimeve të luftës kundër popullatës civile nga Gjykata Themelore në Mitrovicë.

© KOHA. Të gjitha të drejtat janë të rezervuara.

Komentet

Shto koment

Të ngjashme