Arbëri

Brezovica nuk është e bllokuar nga bora, kolonat janë shkaktuar në mungesë të parkingjeve

 

Brezovica nuk është bllokuar nga bora. Kështu ka thënë zëvendësministri i Infrastrukturës, Rexhep Kadriu, sipas të cilit veturat po ndalen nga policia në fillim të këtij vendit turistik.

“Në Brezovicë ka rënë borë 1 metër, e në disa vende edhe 1 metër e gjysmë. Policia po i ndal veturat, pasi që afër qendrës së skijimit, për shkak të reshjeve të mëdha, nuk ka mundësi parkimi. Rruga është e kalueshme, sepse ekipet tona e kanë pastruar atë”, ka thënë Kadriu për KTV-në.