-
Nga:
Edona Kutleshi-Maliqaj
- 24 janar 2019 13:37
- Shpërndaje në:
Rektorët e universiteteve publike kanë paralajmëruar grevë dhe protesta nëse deri më 28 janar nuk shkarkohet Këshilli shtetëror i cilësisë (bordi i Agjencisë së Kosovës për Akreditim). Kjo pasi ata kanë shprehur pakënaqësi me vendimet që këshilli i ka marrë së fundi për programet studimore.
Në një mbledhje të jashtëzakonshme të komisionit parlamentar për arsim, rektorët kanë thënë se bordi i AKA-së në mënyrë të jashtëligjshme ua tërhoqi akreditimet e programeve të cilat kishin akreditim edhe për një kohë të gjatë, raporton Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRektori i UP-së, Marjan Dema ka thënë se KSHC i mori vendimet ad hoc pa bërë fare monitorim vlerësues të këtyre programeve. Rektoret kanë shprehur dyshime se qëllimi i këtyre vendimeve të KSHC-së është që të mbyllen universitetet publike të themeluara pas luftës.
Për vendimet e fundit për programet studimore, në komisionin parlamentar për arsim të premten pritet të raportojnë anëtarët e bordit të Agjencisë së Akreditimit.