Haradinaj: Porosia e Isa Boletinit: atdheu nuk tjetërsohet dhe nuk vihet në pazar

Haradinaj: Porosia e Isa Boletinit: atdheu nuk tjetërsohet dhe nuk vihet në pazar

23 January 2019 09:42

Kryeministri i Kosovës, Ramush Haradinaj, ka përkujtuar Isa Boletinin me rastin e shënimit të 103 vjetorit të vrasjes së tij.

Haradinaj ka thënë se figura e Boletinit edhe tani duhet të jetë shembull se interesi kombëtar vendoset para çdo interesi tjetër.

“Isa Boletini e identifikoi veten me fatin e atdheut. ‘Unë jam mirë, kur është mirë Shqipëria’ edhe sot duhet të na udhëheqë në kërkimin për të drejtën tonë. Nëse në historinë tonë kombëtare kërkojmë vlerat më të larta atdhetare, ato i gjejmë në figurën e Isa Boletinit. Me vet veprimtarinë e tij jetësore na la një porosi, se atdheu nuk tjetërsohet dhe nuk vihet në pazar. Roje dhe dëshmi është vet prehja e tij në Boletin”, tha Haradinaj.

Ai kërkoi që figura e Isa Boletinit edhe tani të jetë shembull për të gjithë se interesi kombëtar e shtetëror vendoset para çdo interesi tjetër.

© KOHA. Të gjitha të drejtat janë të rezervuara.

Komentet

Shto koment

Të ngjashme