Kryetari i SBASHK-ut thotë se nuk tërhiqen nga vendimi për grevë pa u rritur pagat

Kryetari i SBASHK-ut thotë se nuk tërhiqen nga vendimi për grevë pa u rritur pagat

14 January 2019 11:00

Kryetari i SBASHK-ut, Rrahman Jasharaj, ka vizituar shkollën fillore “Hasan Prishtina” me rastin e fillimit të grevës së përgjithshme në arsim, ku tha se kanë marrë përkrahje edhe nga prindërit e kësaj shkolle.

“Jemi të mbështetur për muri, nga maji e këndej nuk kemi lënë derë pa hapur, kemi pasë takime të vazhdueshme me kryeministrin Haradinaj, ministrin Bytyqi e deputetë të Kosovës dhe i kemi lutur ta kryejnë detyrën e tyre. Kanë pasur kohë me muaj dhe unë kam pritur që greva një-orëshe e 28 Dhjetorit të tingëllojë në veshët e tyre, por ata kanë thënë hajt se greva një-orëshe nuk është asgjë”, ka thënë Jasharaj, përcjell kp.

Ai ka përsëritur se nuk do të tërhiqen nga vendimi nëse koeficienti i pagave nuk rritet së paku 30 për qind.

“Nuk mund të pranojnë që shoferët e tyre të kenë koeficient më të lartë se ne që jemi profesorë”, ka thënë Jasharaj.

Ndryshe, grevën në këtë shkollë po e përkrahin edhe prindërit.

Komentet

I Mitrovicsi14/01/2019 11:47

NIveli i shprehjes dhe interpretimi i z. Jasharaj me te vertete na bie ne perfundim se "mesimdhenesit" tone me te vertete nuk meritojne paga me te larta ( me perjashtim te ndonjerit ose ndonjeres te cilet shume rralle i degjoje ose shohe). Arsimit, ne pergjithesi, do ti kisha sugjeruar qe se pari te perpiqen qe niveli i nxenesve kosovare (Studimi i Pisa-se)te permiresohet bile per nja dy/tre vende me larte. ...Me te vertete jane duke e tepruar...

Shto koment

Të ngjashme