Arbëri

Ambasadorët e Francës, Gjermanisë e Finlandës, diskutojnë me Limajn rreth Dialogut

Ambasadorët e Francës, Gjermanisë e Finlandës, diskutojnë me Limajn rreth Dialogut
Foto: Ilustrim/Koha

Zëvendëskryeministri i Kosovës, njëherësh bashkëdrejtues i Delegacionit të Kosovës për Bisedime me Serbinë, Fatmir Limaj, ka pritur në një takim të përbashkët ambasadorin e Gjermanisë në Kosovë, Christian Heldt dhe atë të Francës, Didier Chabert. Gjatë ditës Limaj ka takuar edhe ambasadoren e Finlandës në Kosovë, Pia Stjrnvall ku temë e diskutimit ishte dialogu Kosovë- Serbi.

Limaj i ka njoftuar ambasadorët për takimin e Delegacionit Shtetëror të Kosovës me përfaqësuesen e Lartë të Bashkimit Evropian, Federica Mogherini. Tha se në këtë takim Kosova ka shprehur përkushtimin e qartë për dialog, duke shtuar se Kosova është e interesuar të arrijë një marrëveshje gjithëpërfshirëse, e cila në vete ngërthen njohje reciproke mes dy vendeve, anëtarësimin e Kosovës në OKB, njohje nga pesë vendet e BE-së si dhe hapjen e perspektivës së qartë evropiane për Kosovën.