Arbëri

“Novosti”: Tre shqiptarëve që në Beograd shkruan “UÇK” mbi borën në vetura, nga 55 ditë burgim

Beograd, 8 janar - Tre shqiptarë, sipas gazetës "V.Novosti", natën në mes të 6 e 7 janarit në Beograd kanë shkruar në borën mbi vetura simbolet e, siç shprehet kjo gazetë, UÇK-së terroriste, dhe për këtë janë dënuar me nga 55 ditë burgim, transmeton Koha.net.

Policia, për shkak të këtij skandali që ka shqetësuar banorët e Mirijevës (kuart i Beogradit, sqarim ynë) ) në vigjilie të Kërshëndellave ortodokse, ka reaguar menjëherë duke i arrestuar menjëherë Iba Bajramin (20) dhe Shpreson Bajramin (22) nga Beogradi, dhe Daniel Kryeziun (25) nga Prizreni, njofton "Novosti".

Ata, atë natë, kanë shkruar "UÇK"në borën mbi dhjetëra automjete të parkuara në rrugën "Kosta Nagj" në Mirijevo, për pasojë, siç shkruan kjo gazetë, qytetarët e frikësuar menjëherë kanë njoftuar policinë.

Pas arrestimit të tyre, policia i ka dërguar menjëherë më gjykatën për kundërvajtje, e cila ua ka shqiptuar dënimin me burg, transmeton Koha.net.