Gjatë këtij viti, në Kosovë u trajtuan rreth 14 mijë qen – projekti vazhdon edhe vitin tjetër

Veterinari Habib Bytyqi, vetëm gjatë këtij viti në komunën e Istogut, ka trajtuar rreth 300 qen endacakë.

Pas kësaj, Bytyqi ka treguar që qentë dërgohen në Qendrën e trajtimit të përkohshëm, raporton KTV.

Ai ka thënë se sa ka qenë në menaxhim të komunës, procedurat kanë shkuar shumë ngadalë.

Ndërsa, Agjencia e Ushqimit dhe Veterinarisë si menaxhuese e këtij projekti, ka thënë se deri më tani, punët kanë shkuar sipas planit, por që puna nuk ka përfunduar ende.

Projekti për “menaxhimin dhe kontrollin e qenve endacakë” do të vazhdojë edhe gjatë vitit të ardhshëm.

Gjatë 2018-s, janë trajtuar rreth 14 mijë qen ose 1/3 e tyre, në tërë territorin e Kosovës.

Edhe Arbëri 2 muaj më parë Rreziku nga qentë endacakë – mbi 15 sulme në muaj vetëm në Prishtinë

Koordinatori i këtij projekti, ka thënë se është e domosdoshme që të vazhdohet ky projekt, por me buxhet më të madh.

Në mars të këtij viti, Qeveria kishte ndarë më shumë se 1 milion euro për trajtimin e qenve endacakë, duke e konsideruar si fazë emergjente.