Arbëri

Ngutja e Serbisë në negociata, ndalja e qeverisë së dështuar e skandalet diplomatike – flet Kurti

Ngutja e Serbisë në negociata, ndalja e qeverisë së dështuar e skandalet diplomatike – flet Kurti
Foto: Koha

Serbisë po i ngutet në negociatat me Kosovën sepse dëshiron t´i rrumbullakësojë sa të jetë Mogherini ende në pozitën që ka, sa të jetë Thaçi pa u akuzuar, gjersa LVV-ja ende nuk ka ardhur në pushtet, dhe, përderisa Kosova nuk ka ende ushtri, thotë kryetari i Lëvizjes Vetëvendosje, Albin Kurti.

Kurti në një intervistë për Portalin Koha.net flet për normalizimin e marrëdhënieve Kosovë-Serbi, por, thotë se për ta normalizuar Kosovën nevojitet të ndryshojë Kosova, e për ta normalizuar marrëdhënien e Kosovës me Serbinë, duhet të ndryshojë Serbia. Sipas Kurtit, presidenti i Kosovës, Hashim Thaçi, e ka hall fatin e vetvetes dhe nuk sheh shpresë te sundimi i ligjit sipas modelit evropian por sipas modelit rus, prandaj edhe e përshkruan kështu: “Vuçiqi e çoi te Putini, kurse Putini e rikthen te Vuçiqi, po luajnë me Thaçin si me top ping pongu”.