Lekaj kërkon punë cilësore në rregullimin e tunelit në hyrje të Mitrovicës
Foto: MI
Ministri i Infrastrukturës, Pal Lekaj, të martën realizoi vizitë inspektuese në punimet që janë duke u zhvilluar në sanimin e tunelit në Rrugën Nacionale N2, segmenti Mitrovicë – Çabër.
Ky projekt ka kosto afër 380 mijë euro dhe parashihet të përfundohet brenda 60 ditësh, por që synohet të përfundohet edhe më shpejtë, ndërsa tuneli ka gjatësi 250 metra.
I pari i MI-së ka kërkuar cilësi në punë nga kompania ndërtuese, në mënyrë që ky projekt të punohet me standarde të larta sigurie, e me tërë infrastrukturën e nevojshme. Lekaj tha se ky segment rrugor, sidomos tuneli, ka rëndësi të madhe për qytetin e Mitrovicës dhe për të gjithë ata që e frekuentojnë këtë rrugë.
