Arbëri

Atentatorit të Vllasit, Murat Jashari, i vazhdohet paraburgimi edhe për dy muaj

Murat Jasharit, atentatorit të avokatit Azem Vllasi, i është vazhduar masa e paraburgimit edhe për dy muaj.

Këtë informacion e ka bërë të ditur për Koha.net avokati i Murat Jasharit, Emrush Kastrati.

“Po, për Murat Jasharin janë vazhduar edhe dy muaj tjerë paraburgim”, ka thënë ai për portalin.

Kastrati po ashtu bëri të ditur se Murat Jashari është larguar nga burgu i Lipjanit dhe është dërguar në Pejë, ndërkaq edhe vetë avokati i tij Kastrati pret që gjatë javës së ardhshme të shkoj në vizitë.

Azem Vllasi është plagosur më datë 14 mars në rrugën “Hajdar Dushi” para avokaturës së tij.

Bashkë me Jasharin ishte arrestuar edhe Avni Llumnica.