Shërbimi Korrektues i Kosovës, kërkon të jetë i barabartë me rroga me Policinë e Kosovës dhe për këtë ka kërkuar mbështetjen e Komisionit për Legjislacion, me të cilin ka diskutuar rreth Projektligjit për Paga.
Frashër Rracaj nga Sindikata e Shërbimit Korrektues të Kosovës, ka thënë se përveç që nuk u ofrohen kushte të mira të punës, ata edhe llogariten si shërbyes civilë, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKryetarja e Komisionit, Albulena Haxhiu, ka mbështetur deklarimet e Rracajt duke theksuar se Shërbimi korrektues është në gjendje të mjerueshme .
Kërkesën e Rracajt për përfshirjen e tyre në Projektligjin për Pagat, e kanë përkrahur edhe anëtarët tjerë të Komisionit për legjislacion.
Ndryshe, Komisioni ka shqyrtuar edhe plotësim ndryshimin e projektligjit për Agjencinë Kosovare për Krahasim dhe Verifikim të Pronës.
Haxhiu është shprehur se Vetëvendosje nuk e përkrah këtë plotësim ndryshim, ngase Kosova nuk ka regjistrat origjinalë kadastral, duke shtuar se një shtet sovran nuk mund të punojë me kopje.
Deputeti i AAK-së, Shkumbin Demaliaj ka deklaruar se regjistrat kadastralë nuk i ka marrë Serbia, por administrata e Millosheviqit
Komisioni po ashtu ka shqyrtuar edhe raportin me rekomandime të Avokatit të Popullit, i cili ka vlerësuar se është e padrejtë të kushtëzohet regjistrimi i automjetit dhe ndërrimit të pronarit me shlyerjen e gjobave të papaguara.
Anëtari i Komisionit, Korab Sejdiu, tha se ky është cenim i pronës për kushtëzimin e regjistrimit të automjetit dhe ndërrimit të pronarit me shlyerjen e gjobave të papaguara për kundërvajtje në trafikun rrugor.