Ambasadori i SHBA-së në Beograd, Kyle Scott, ka deklaruar sot se qeveria e Kosovës nuk është e ashtuquajtur, por Qeveri e Kosovës, dhe është shtet i pavarur dhe sovran, me përfaqësuesit e saj të zgjedhur.
Scott ka folur kështu në Qeverinë e Serbisë në pyetjen e gazetarëve se sa ka shpresë për paqe kur vazhdimisht i bëhet presion Serbisë për bisedime me “të ashtuquajturën qeveri të Kosovës ku gjysma e udhëheqësve janë njerëz me dosje penale apo janë në procese gjyqësore”, raporton portali serb “Telegraf”.
“Nuk është e ashtuquajtura qeveri e Kosovës por Qeveri e Kosovës, ne e konsiderojmë Kosovën si shtet të pavarur dhe sovran. Ata janë përfaqësues të zgjedhur të Kosovës dhe me ta kemi kontakte, sikurse edhe me të gjithë përfaqësuesit e ndonjë shteti në rajon”, ka thënë diplomati amerikan, transmeton Koha.net.
Scott ka thënë se stabiliteti i rajonit mund të jetë më i mirë, por ka progres, ndërsa shtoi se një nga elementët kyçë është zhvillimi ekonomik.
-
Vulini i përgjigjet Ambasadorit Scott: Shyqyr që s’ka qenë Vuçiqi në Qeveri, sepse do të fluturoje nga aty
-
Petkoviqi i reagon Hovenierit: Lista Serbe s’është zë i ambasadave
-
SHBA-ja: Kosova përcakton kushtet për organizimin e zgjedhjeve të huaja në territorin e saj
-
Edhe SHBA-ja e Britania e Madhe kërkojnë formimin e shpejtë të Qeverisë së Kosovës
-
Scott: S’ndihmohet arritja e marrëveshjes duke përulur partnerët e dialogut