Kujtim Gashi, kandidat për kryetar të komunës së Kamenicës nga radhët e Partisë Demokratike të Kosovës (PDK) gjatë një tubimi në fshatin Hogosht u ka premtuar banorëve se do të ketë investime në rregullimin e stadiumit të fshatit ku edhe pritet t’i zhvillojë ndeshjet zyrtare klubi i futbollit “Kika” si dhe do të ndërtojë kanalizimin nëpër këtë fshat dhe do të investojë edhe në infrastrukturën shëndetësore.
Ai është zotuar se në qeverisjen e tij nuk do të ketë zvarritje të projekteve ndërsa ka premtuar se do të ketë reforma në administratë dhe mënyrën sesi do të udhëhiqet komuna.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nuk është e lehtë të qeveriset në një vend si Kamenica, mirëpo mbetet përgjegjësi e imja në të ardhmen që në mandatin 4 vjeçar t’i radhisim prioritetet dhe investimet konform mundësive dhe aspektin e financave që do të ketë buxheti komunal. Unë ju garantoj se në prioritetet e mia do të jetë përmirësimi i kushteve të stadiumit të Kikës dhe mbështetja e klubit ‘Kika’ që të garojë ashtu siç e meriton. Natyrisht që ambulanta e fshatit është në kushte jo të mira të punës dhe ne e dimë që nuk ka një autoambulancë e cila do tu shërbejë banorëve. Ne e dimë se ndriçimi dhe kanalizimi mungojnë në fshatin tuaj. Ne do të përpiqemi se në projektin e humbur, që nuk ka arritur të realizohet në mandatin e kaluar, projektin për ujërat e zeza, ta realizojmë si projekt i cili financohet nga fondet e Qeverisë Austriake dhe është një projekt kapital në vlerë prej 6 milionë euro”, ka thënë ai raporton korrespodenti i Kohës Ditore në Gjilan.