Komisioni Qendror i Zgjedhjeve ka njoftuar se të hënën përfundon periudha për konfirmimin e vëzhguesve të akredituar dhe aplikimin për vëzhgues shtesë për të vëzhguar raundin e dytë të zgjedhjeve për kryetarë të komunave, i cili do të mbahet më 9 nëntor.
Afati për konfirmim dhe shtimin e vëzhguesve është deri më 3 nëntor, në ora 16:00.
“Njoftohen subjektet politike të certifikuara (pjesëmarrëse në raundin e dytë), OJQ-të, organizatat qeveritare dhe ndërqeveritare, organizatat ndërkombëtare të specializuara të cilat merren me zgjedhjet dhe mbrojtjen e të drejtave të njeriut, mediat si dhe përfaqësuesit e vendeve të huaja, që tashmë janë akredituar se platforma elektronike është e qasshme për konfirmimin e vëzhguesve aktualë ose shtimin e vëzhguesve të rinj”, thuhet në njoftim.
KQZ-ja tutje ka njoftuar se ID-të që janë përdorur për procesin zgjedhor të datës 12 tetor, nuk do të jenë valide për raundin e dytë të zgjedhjeve për kryetarë të komunave, i cili do të mbahet më 9 nëntor.
-
KQZ-ja akrediton rreth 8,800 vëzhgues për balotazhin e 9 nëntorit
-
KQZ: Fushata zgjedhore për balotazhin nga 3 deri më 9 nëntor
-
KQZ: Vazhdon periudha e aplikimit online për akreditimin e vëzhguesve
-
KQZ: Më 13 gusht përfundon afati për aplikim online për certifikimin e kandidatëve
-
Mbi 16 mijë e 500 vëzhgues të akredituar për zgjedhjet e 7 qershorit