Klina ishte qyteti i radhës ku Vetëvendosje mbajti tubim elektoral, nga ku pati mbështetje të madhe për zgjedhjet e 11 qershorit. Në këtë tubim ishte prezent kryetari Visar Ymeri dhe nënkryetari Dardan Sejdiu, si dhe kandidatë të tjerë për deputetë.
Në këtë tubim, Ymeri tha se Republikën e Kosovës “duhet ta bëjmë ashtu siç e donin dëshmorët, e jo siç e shohin dhe e duan pushtetarët mafiozë”. Ai tha se programi i këtyre të fundit është i qartë, nga zhvatja në zhvatje deri në zhvatjen përfundimtare të atdheut.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Bashkimi i këtij plani dëshiron të thotë se plani i Vetëvendosjes është utopik dhe i parealizueshëm. Ko dëshmon se varfëria është plani i tyre, jeta dinjitoze është e paarritshme, uji i pishëm ëshë i paarritshëm po ashtu", tha Ymeri, teksa shtoi se programi tyre i ndihmon të varfrit dhe e ulë pabarazinë, dhe tha po ashtu se me Vetëvendosjen nuk do të ketë familje pa kulm mbi kokë.
Nënkryetari i Vetëvendosjes dhe kandidati për deputet, Dardan Sejdiu, tha se me qeverisjen e Vetëvendosjes, zhvillimi nënkupton punësim, punësimi nënkupton kontribute, kontributet nënkuptojnë sigurime shoqërore, dhe kështu zhvillohet Republika.
"Në gusht të 2013 kemi prezantua Alternativën qeverisëse. Jemi i vetmi subjekt që e kemi bërë këtë në libër me 3 shtylla të detajuara", tha Sejdiu.
Kandidati për deputet, Rexhep Selimi, theksoi se zgjedhjet e 11 qershorit janë të jashtëzakonshme, jo për kohën kur po mbahen, por për rezultatet që do të prodhojnë.
"Kur filluan t’i kundërshtojmë proceset e rënda dhe të këqija na thanë se nuk mundemi, se jemi pak, se jemi të pafuqishëm. Kur na thanë që nuk e ndalni "Zajednicën", e ndalëm; kur na thanë nuk e ndalni demarkacionin, e ndalëm; kur na thanë nuk e rrëzojnë qeverinë, e rrëzuam. Tash na thonë se nuk do të fitojmë, dhe do të fitojmë", tha Selimi.
E Kryetarja e Qendrës së Klinës dhe kandidatja për deputete, Shqipe Pantina, tha se Lëvizja Vetëvendosje i ka motivet e pastra dhe synimin e mirë, ka programin qartë dhe guximin për ta çuar përpara, për t’i larguar klanet nga pushteti, e për t’i dërguar kriminelët në burg, për t’i sjellë më në fund Kosovës zhvillimin ekonomik, punësimin, mirëqenien, dhe barazinë e të gjithëve para ligjit.
.