Subjektet presin certifikimin, KQZ vendos deri të martën

Tashmë që është përmbyllur afati ligjor për dorëzimin e kërkesave dhe listave të kandidatëve të subjekteve politike për pjesëmarrje në zgjedhjet e 6 tetorit, i hapet rruga një tjetër procesi.

Prej sot nis shqyrtimi i të gjitha aplikimeve të dorëzuara dhe vendimmarrja do të bëhet deri më 10 shtator.

Po ashtu, deri më këtë datë pritet edhe publikimi i listave të kandidatëve të certifikuar nga ana e Komisionit Qendror të Zgjedhjeve.

Gjithsej 25 subjekte politike, 20 parti politike, 4 koalicione dhe 1 i pavarur, kanë dorëzuar aplikacionet e tyre për pjesëmarrje në zgjedhjet e parakohshme të 6 tetorit.