Zyrtari i Lidhjes Demokratike të Kosovës, Avdullah Hoti, ka thënë se nuk ka zvarritje në arritjen e marrëveshjes për bashkëqeverisje në mes të LDK-së dhe LVV-së.
Përmes një postimi në Facebook, Hoti ka thënë se qytetaret më 6 tetor kanë kërkuar ndryshim, duke votuar dy partitë opozitare pothuajse njëjte, të cilat së bashku arrijnë mbi 50% të mandateve në Kuvend, të mjaftueshme për të formuar qeverinë e re.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi thotë se janë duke punuar për të dakorduar një program qeverisës që reflekton këtë vullnet të qytetarëve.
“Deri më tani jemi pajtuar për madhësinë dhe organizimin e Qeverisë, e cila do të ketë vetëm 12 ministri që do të kursejë miliona euro dhe do të rris efikasitetin e qeverisjes. Kemi diskutuar në detale programin për zhvillim ekonomik dhe punësim dhe jemi pajtuar për shumicën e çështjeve”, ka thënë Hoti ndër të tjerash, raporton Koha.net.
Sipas tij, në takimet në ditët në vijim do t’i vazhdojnë diskutimet për rendin, ligjin dhe sigurinë, për arsim e shëndetësi, pastaj për politiken e jashtme.
Ish-shefi i GP të LDK-së, Avdullah Hoti, u shpreh i bindur se marrëveshja do të përmbyllet “sapo të certifikohen rezultatet e zgjedhjeve”. Pastaj, tha ai, “nuk do të humbim kohë në themelimin e institucioneve të reja”.
Hoti potencoi se diskutimet po mbahen në mënyrë transparente sa u përket temave dhe personave që po i zhvillojnë diskutimet, “një praktikë kjo e pa zbatuar më parë në skenën politike”.