Sekretari i Përgjithshëm i Nismës Socialdemokrate, Bilall Sherifi, ka prezantuar në një konference për media të dhëna nga rinumërimi i kutive të votimit.
Ai ka prezantuar rezultatet për 6 vendvotime të ndryshme ku Nismës i janë shtuar 131 vota pas rinumërimit.
Sherifi ka thënë se po vërtetohet ajo që kanë thënë se votat e Nismës në masë janë deformuar në bartjen e të dhënave në formularët e KQZ-së.
“Duke pas parasysh rezultatin në këto 6 vendvotime, ky rezultat jo vetëm që nuk është i drejtë, por është i deformuar në mazë të madhe. Nuk bëhet fjalë për gabime, sepse mund të gabohet 1 votë ose dy, por këtu shihet që ka pas vullnet të disa komisionerëve që të bashkëpunojnë kundër vullnetit të qytetarëve”, ka thënë ndër të tjera Sherifi.
Pikërisht për këto arsye, ai ka thënë se kanë kërkuar rinumërim të tërësishëm të votave.
Edhe
Sipas Sherifit, kundër Nismës ka ndodhur vjedhje manufakturale
Sekretari i Nismës ka përsëritur edhe njëherë kërkesën për rinumërim, në mënyrë që “e vërteta të dalë në shesh”. Më tutje, ai ka thënë se rinumërimi duhet bërë në funksion të së vërtetës dhe jo për ndonjë arsye tjetër.
Ai ka shtuar se aktualisht Nisma i ka të sigurta 6 mandate dhe se po luftojnë për mandatin e shtatë.
Më poshtë gjeni vendvotimet sipas komunave në të cilat është dëmtuar NISMA Socialdemokrate:
0317E/02R – Gllogoc , në formularë (FRP)figuron 1 votë – pas rinumërimit 50 vota
0307E/02D – Gllogoc, në formularë (FRP) figuron 1 votë – pas rinumërimit 34 vota
0701D/01R – Kaçanik – në formularë (FRP) figuron 0 vota – pas rinumërimit 21 vota
0901E/03R – Fushë Kosovë – në formualre (FRP)figuron 0 votë, pas rinumërimit 11 vota
0901E/16D – Fushë Kosovë – në formualre (FRP)figuron 0 vota, pas rinumërimit 8 vota
Edhe
Nisma kërkon që KQZ-ja të çojë në rinumërim të gjitha vendvotimet, jo vetëm 303
0437D/02 – Gjilan – në formualare (FRP)figuron 0 vota, pas rinumërimit 6 vota
{gallery}
