Haxhiu e Vetëvendosjes thotë se humbësit e zgjedhjeve tentojnë të shpëtojnë përmes rinumërimit
Albulena Haxhiu e Vetëvendosjes ka komentuar ankesat e subjekteve politike në Panelin Zgjedhor për Ankesa dhe Parashtresa.
PDK, LDK dhe koalicioni Nisma-AKR-PD janë ankuar në PZAP me pretendimet për parregullsi, ka konfirmuar për KTV-në kryesuesi i PZAP-së.
Tani Haxhiu ka thënë se humbësit tentojnë të gjejnë shpëtim përmes rinumërimit.
“Që nga mëngjesi, kam pasur shumë mesazhe dhe telefonata nga qytetarë, miq e familjarë. Janë të shqetësuar lidhur me ndonjë tendencë për manipulim votash pas kërkesës për rinumërim. Qëndroni të qetë, mos u shqetësoni. Ne kemi personat përgjegjës që janë gardianët e vullnetit të qytetarëve. Padyshim subjektet që nuk kanë marrë mbështetjen nga qytetarët, tentojnë të gjejnë shpëtim nga rinumërimi. Qytetarët kanë folur me 6 tetor. Vullneti i tyre do të jetësohet”, ka shkruar ajo në Facebook.
© KOHA. Të gjitha të drejtat janë të rezervuara.
Haxhiu e quan të drejtë grevën e mësimdhënësve, thotë se Qeveria ka thelluar krizën e diskriminimin
Haxhiu: Do ta dërgojmë në Kushtetuese Projektligjin për dialogun
Në Intervistën e Javës në Koha.net, deputetja Haxhiu flet për zhvillimet e fundit politike
