Deri tani, shtatë parti politike kanë dorëzuar në KQZ listat e kandidatëve për deputetë Foto: Driton Paçarada / Koha

​Tetë subjekte politike dhe një deputet i pavarur kanë dorëzuar aplikacionet në KQZ

06 September 2019 17:37
19:41

Komisioni Qendror i Zgjedhjeve ka pranuar edhe dy aplikime të reja për t’u certifikuar për pjesëmarrje në zgjedhjet e parakohshme për Kuvendin e Republikës së Kosovës.

Sipas zëdhënësit të KQZ-së, Valmir Elezi, aplikimin për certifikim e ka dërguar edhe Stranka Demokratske Akcije (SDA) me 9 kandidatë për deputetë si dhe Esmir Kasi (Kandidat i Pavarur).

Kujtojmë se deri tani 8 parti politike dhe një kandidat i pavarur kanë aplikuar për certifikim në KQZ.

17:37

Deri tani, shtatë parti politike kanë dorëzuar në KQZ listat e kandidatëve për deputetë

Komisioni Qendror i Zgjedhjeve njofton se deri tani ka pranuar shtatë aplikime nga subjektet politike për t’u certifikuar për pjesëmarrje në zgjedhjet e parakohshme për Kuvendin e Republikës së Kosovës.

Këtë e ka konfirmuar për Koha.net, zëdhënësi i KQZ-së, Valmir Elezi.

Ai ka thënë se deri tani aplikimin për certifikim e kanë dorëzuar, Partia Rome e Bashkuar e Kosovës (PRBK) me 27 kandidatë, Jedinstvena Goranska Partija (JGP) me 13 kandidatë për deputetë, Srpska Lista me 17 kandidatë për deputetë, Iniciativa e Re Demokratike e Kosovës me 13 kandidatë për deputetë, Gradjanska Iniciativa Gore (GIG) me 6 kandidatë për deputetë, Samostalna Liberalna Stranka (SLS) me 13 kandidatë për deputetë dhe Nova Demokratska Stanka (NDS) me 60 kandidatë për deputetë.

Kujtojmë se sot është dita e fundit kur subjektet politike mund të dorëzojnë për certifikim listat e tyre të kandidatëve për deputetë.

© KOHA. Të gjitha të drejtat janë të rezervuara.

Komentet

Shto koment

Të ngjashme