Vështrime

S’ka sqarime. S’ka shpjegime. Hetimet vazhdojnë.

Viktima ishte grua. Dhe u vra pse ishte grua. U vra për shkak se, e deshëm ose jo, vazhdojmë të jemi shoqëri patriarkale. E këtë patriarkalizëm e ushqejmë duke refuzuar të zhvillohemi si shoqëri duke mos mundur t’i ikim mendësisë e cila na reflekton në familje e shkollë. Para se ta kërkojmë fajtorin tjetërkund, duhet parë veten, dhe të pyetemi: a ia vlen?

Viktima ishte grua. Dhe u vra pse ishte grua. U vra për shkak se, e deshëm ose jo, vazhdojmë të jemi shoqëri patriarkale. E këtë patriarkalizëm e ushqejmë duke refuzuar të zhvillohemi si shoqëri duke mos mundur t’i ikim mendësisë e cila na reflekton në familje e shkollë. Para se ta kërkojmë fajtorin tjetërkund, duhet parë veten, dhe të pyetemi: a ia vlen?

Nuk ma kishte marrë mendja që kolumna e javës së shkuar do ta kishte vazhdimin e menjëhershëm këtë javë. Nëse vrasja e javës së shkuar paraqiste aktin më makabër të përfundimit të një jete me sakicë në mes të natës, zor se do të mund të paramendonim se do të ndodhte një krim edhe më i rëndë, e edhe më i shëmtuar, po qe se njëmend do të mund të krahasoheshin.

Të mërkurën mbrëma u raportua për një vrasje në oborrin e QKUK-së, konkretisht para Klinikës së Gjinekologjisë. Rrufeshëm u tha: u vra një grua shtatzënë, në javën e 41-të të shtatzënësisë, nga bashkëshorti i saj. Nuk kaloi shumë dhe u tha se ky kishte qenë ish-bashkëshorti, ngase çifti ishte në proces të shkurorëzimit.