Vështrime

I duam paratë e diasporës, por jo votat

Nga Virxhinia e Shteteve të Bashkuara të Amerikës, Besniku e nisi votën e tij përmes postës së shpejtë, me qëllim që ajo të mbërrijë në KQZ më së largu më 12 shkurt. Kjo i kushtoi atij 150 dollarë (124 euro). Nga Charlotte e Karolinës Veriore, Ylberi dërgoi me postë të shpejtë dy vota dhe pagoi 120 dollarë. Fehmiu nga Värnamo e Suedisë pagoi 514 krona, apo rreth 55 euro. Majlinda nga Italia pagoi 41 euro. Mërgimtarët nga Gjermania kanë paguar 62.2 euro, nga Zvicra 65 franga (60 euro), nga Kanadaja 250 dollarë kanadezë (162 euro).

Fluturimi i gjatë dhe i kushtueshëm i votës së diasporës

Nga Virxhinia e Shteteve të Bashkuara të Amerikës, Besniku e nisi votën e tij përmes postës së shpejtë, me qëllim që ajo të mbërrijë në KQZ më së largu më 12 shkurt. Kjo i kushtoi atij 150 dollarë (124 euro). Nga Charlotte e Karolinës Veriore, Ylberi dërgoi me postë të shpejtë dy vota dhe pagoi 120 dollarë. Fehmiu nga Värnamo e Suedisë pagoi 514 krona, apo rreth 55 euro. Majlinda nga Italia pagoi 41 euro. Mërgimtarët nga Gjermania kanë paguar 62.2 euro, nga Zvicra 65 franga (60 euro), nga Kanadaja 250 dollarë kanadezë (162 euro).

Kjo është kostoja për dërgimin e votës me postë të shpejtë për 102 mijë e 100 kosovarët e diasporës me të drejtë vote, të cilët u certifikuan nga Komisioni Qendror i Zgjedhjeve për të votuar nga jashtë. Në këto zgjedhje diaspora pritet të dërgojë votën nga 67 shtete të ndryshme. Mbi 68% e diasporës do të votojnë nga Gjermania dhe Zvicra, 23% nga vendet e tjera të Bashkimit Evropian, 2.4% nga Mbretëria e Bashkuar, 2.3% nga SHBA-ja, 1% nga Kanadaja, 0.2% nga Australia. Votues do të ketë edhe nga Mongolia, Kolumbia, Peruja, Koreja e Jugut, Japonia, Meksika, Kenia, Myanmari.