Vështrime

Urimet që bëjnë diferencën

Mollëzat dhe hundët e tyre të skuqura nga të ftohtit të bënin ta kuptoje menjëherë se kishin kohë të gjatë që rrinin jashtë. Të ndarë në grupe nga dy a tre, vogëlushët e vogëlushet u ofroheshin qetazi dhe pa imponim kalimtarëve në sheshin kryesor të kryeqytetit. Kur atë buzëmbrëmje të acartë dhjetori u ndala pranë tyre të shihja se çfarë mbanin në duar, sakaq vrapuan dhe më rrethuan.

Epoka digjitale dhe mundësia e komunikimit të shpejtë e të lehtë në rrjete sociale e kanë zbehur gati deri në harresë traditën mijëravjeçare të njerëzimit për urimet e shkruara në letër. Megjithatë, ato ende e bëjnë diferencën

Mollëzat dhe hundët e tyre të skuqura nga të ftohtit të bënin ta kuptoje menjëherë se kishin kohë të gjatë që rrinin jashtë. Të ndarë në grupe nga dy a tre, vogëlushët e vogëlushet u ofroheshin qetazi dhe pa imponim kalimtarëve në sheshin kryesor të kryeqytetit. Kur atë buzëmbrëmje të acartë dhjetori u ndala pranë tyre të shihja se çfarë mbanin në duar, sakaq vrapuan dhe më rrethuan.

“Teta, a po e blen një. I kemi përgatitur vetë”, më tha më imëtaku prej tyre, të cilit mezi ia shihja sytë nga maska dhe koka e strukur nën kapelën e xhaketës ngjyrë hiri. Secili syresh mbante në duar kartolina me ngjyra e figura të ndryshme, të palosura në dysh. I shikova një nga një me kërshëri. Kreativiteti i tyre ishte për admirim.