U bë i njohur për publikun me këngën “Habibi” në bashkëpunim me rep-artistin Mc Kresha.
Rino Sopjani edhe këtë verë e nisi me bashkëpunime, duke sjellë projektin “A e din” me Nushin, raporton KOHA.
Në Top Koha Music, Rino tha se dy këngët kanë rëndësi të njëjtë për të. Për të ishte kënaqësi të punojë me dy rep artistët. Për Nushin ai thotë: “Ne e njohim vetëm nga këngët gangster, por ai është artist”.
Rino për muzikë ka studiuar në Angli ku dhe i mori mësimet e para, por vendosi që artin e tij muzikor ta shfaqë në Kosovë.
Këngëtari e la Anglinë për të ardhur në Kosovë, sepse beson që artistët shqiptarë janë më të talentuarit.
Rino po punon edhe në realizimin e një albumi të stilit RNB, por aktualisht është më i fokusuar te këngët me videoklipe.
© KOHA. Të gjitha të drejtat janë të rezervuara.
