Atleti francez Morhad Amdouni 33-vjeçar bëri bujë të dielën gjatë maratonës (42 kilometra e 195 metra vrapim) në Lojërat Olimpike në “Tokio 2020” me një gjest josportiv.
Një video e tij ka qarkulluar duke rrëzuar shishet e ujit nga tavolina, për t’u pamundësuar garuesve tjerë që të marrin ujë.
Francezi Amdouni është kritikuar ashpër në rrjetet sociale për këtë. Por vet ai thotë se e gjitha ishte aksidentale.
“Ishte e vështirë. Kam dhënë çdo gjë nga vetja. Nuk ishte e lehtë me lodhjen. Humba në qartësi dhe energji. Dua t’u kërkojë falje të gjithë atletëve. U mundova të kapi një shishe, por u rrëzuan gjitha tjerat. Nuk ishte e lehtë. Respektoj të gjithë atletët”, ka thënë Amdouni, transmeton “Blick”.
Në Instagram ai është kritikuar ashpër, disa e kanë quajtur egoist e disa shumë josportiv. Ka pasur thirrje për pezullimin e tij.
Amdouni përfundoi i 17-i në garën e të dielës me rekord të stinorit prej 2:14:33 orë.
Medaljen e artë e fitoi keniani Eliud Kipchoge, të argjendtën holandezi Abdi Nageeye e të bronztën belgu Bashir Abdi.
Thoughts on Amdouni knocking over an entire row of water before taking the last one? pic.twitter.com/qrPaSzxLBW
— Ben St Lawrence (@bennysaint) August 8, 2021
-
9 gusht 2021 18:16
-
Shpërndaje në: