Sulmuesja mitrovicase, Kosovare Asllani, ka mbetur e dëshpëruar pas finales së humbur në Lojërat Olimpike të Tokios.
Të premten, reprezentuesja shqiptare e Suedisë humbi nga Kanadaja me rezultatin 3:2 pas penalltive, pasi koha e rregullt përfundoi 1:1. Asllani ishte asistuese në golin e parë.
Hedvig Lindahl priti dy penallti, por për suedezet nuk ishin të mjaftueshme.
“Jam lodhur nga medaljet e argjendta”, ka thënë e dëshpëruar pas ndeshjes Kosovare Asllani.
Pesë fitore rresht e dërguan Suedinë në finalen e dytë rresht në ngjarjen e Olimpiadës në futbollin e femrave, por u përsërit tregimi i Rios në vitin 2016.
Suedia ishte favorite për ta fituar, por ishte Kanadaja ajo që iu gëzua suksesit të madh në “Yokohama Stadium”.
“Në vitin 2016 ishte ndjenja që e fituam medaljen e argjendtë por tani kemi ndjenjën që e humbëm të artën. Është ndjenjë aspak e këndshme. Jam kaq shumë e lodhur me medalje të argjendtë. Nuk ka vlerë në sytë e mi”, ka thënë Asllani pas ndeshjes, e cila mbante medaljen në dorë, në vend që ta varte atë në qafë.
-
6 gusht 2021 19:03
-
Shpërndaje në: