Tokio 2020

Basketbollistet amerikane mposhtin Francën dhe kualifikohen në çerekfinale

 

Përfaqësuesja e SHBA-së në basketboll (femrat), ka avancuar në çerekfinale të turneut olimpik si lidere e Grupit B. SHBA-ja, në ndeshjen e fundit të fazës së grupeve, triumfoi ndaj Francës për ta regjistruar fitoren e tretë rresht në po aq duele të luajtura.

Dueli i luajtur në Saitama të hënën, përfundoi me rezultatin 93:82 në të mirë të SHBA-së, që ia shkaktoi Francës humbjen e dytë në fazën grupore. A’ja Wilson me 22 pikë të shënuara, ishte më e dalluara te SHBA-ja ndërsa te Franca, më efikasja ishte Endene Miyem me 15 pikë.