1 perditesime
22:07

Hashani: Pas liberalizimit, punëdhënësit kanë filluar t’i përmirësojnë kushtet e punës

Profesori i Ekonomisë, Medain Hashani, tha se pas liberalizimit të vizave, punëdhënësit kanë filluar t’i përmirësojnë kushtet e punës.

Sipas tij, e mira e liberalizimit është se bizneset do të fillojnë të mendojnë për punëtorët dhe përmirësim të kushteve të tyre.

“Mendoj që e mira e liberalizimit do të jetë që shumica e bizneseve private të mendojnë siç e tha parafolësi sikur për ata të Bangladeshit. Do ta rrisin pagën e punëtorëve të sektorit privat. Shumica e qytetarëve do të shkojnë t’i provojnë shtetet e Bashkimit Evropian. Sipas analizave që i kam bërë, del qe kostoja e jetës, siç është në shtetin e Gjermanisë, ku është njëri nga vendet më të zhvilluara në BE ekonomikisht del të jetë dikund rreth 2 mijë e 500 euro neto”, u shpreh ai, në emisionin “Tempus” në KTV.

Hashani gjithashtu potencoi se në muajin shtator do të kuptohet se sa punëtorë të Kosovë do të rikthehen në Kosovë të punojnë dhe sa do të vazhdojnë në Bashkimin Evropian.

“Deri në fund të shtatorit, mendoj që do të bëhet një klasifikim i punëtorëve në Kosovë. Do të dihet se kush do të jetë në Kosovë dhe kush do të jetë në BE. E mira e liberalizimit do të jetë se do të kemi një pagë më të lartë në sektorin privat, do të fillojnë të mendojnë bizneset”, tha ai.

Profesori i ekonomisë theksoi se bizneset kanë filluar t’i shohin punëtorët si aset.

21:03

Hashani: Shtesën prej 100 eurosh Qeveria e mori përmes faturave të rrymës

Profesori i Ekonomisë, Medain Hashani, deklaroi se Qeveria e Kosovës shtesat e ndara për ekonomitë familjare në vlerë prej 100 eurosh, i mori përmes faturave të rrymës.

“Një ekonomie familjare me njëfarë mënyre iu dha vitin e kaluar nga ana e Qeverisë një masë stimuluese prej 100 euro. Ajo masë stimuluese iu mor me faturë të rrymës. Ka qenë debat i vazhdueshëm që fatura e rrymës e cila ka qenë shumë e lartë muajin e kaluar dhe muajin dhjetor, është faturë që në njëfarë mënyre, e ka nxjerrë kjo Qeveri, e dha nga 100 euro ekonomive familjare”, tha Hashani, në emisionin “Tempus” në KTV.

Profesori i ekonomisë vlerëson se në Kosovë nuk ka ekonomi të mirëfilltë. Sipas tij, ekonomia nuk mund të orientohet nga eksporti, por mundësitë janë që të zëvendësohet eksporti.

“Ne nuk kemi një ekonomi të mirëfilltë, ne nuk kemi. Ne nuk mundemi me orientu ekonominë nga eksporti. Ne nuk kemi vend ku mund të eksportojmë, ne kemi një ekonomi në vend ku mund ta zëvendësojmë eksportin”, tha ai.

Zëvendësimi i eksportit, sipas tij, mund të bëhet duke hapur vende të reja të punës dhe duke investuar në ekonomi.

“Ne nuk mundemi me i bind sot me këto politika tatimore të cilat i kemi asnjë investitor që të investojë në Kosovë për shkak të politikave të papërshtatshme tatimore. Orientimi dhe fokusi i kësaj Qeverie duhet të jetë ekonomia, por kjo Qeveri nuk po din me bo me ekonomi dhe po krijon trazira politike që ta zhvendos vëmendjen e qytetarëve në politikë”, shtoi tutje ai.